اخبار علميةاستضافة وردبريسالاستضافةالخدمات
أخر الأخبار

مع الوردبريس انتبه لسرعة موقعك

من فترة بسيطة جانى عميل كان واخد سيرفر من شركة ما ، يشتكى ان الويب كان كويس وبدأ السيرفر في تباطؤ شديد كل يوم عن اللي قبله  ، وطالب منى أشوف السيرفر فراجعته ووجدت ما فيش مشاكل والأمور تمام .

 

بس من يومين فاتوا قررت اني اعمل فحص كامل للسيرفر من أول المواقع اللي موجوده عليه لحد الخدمات اللي موجوده.

 

واكتشفت التالي:

 

في بعض الـPlugins  النسخة المجانية منها ، النسخة المجانية تماماً واللي موجوده باسمهم انها مجانية بيكون موجود فيها حاجتين الحاجة الأولي بتكون عباره عن سكربت لرفع الملفات والحاجة الثانية بتكون عباره عن ملف لتنفيذ اوامر معينه باستخدام  اليوزر بتاعك علي السيرفر.

 

طيب ايه اللي حصل بالضبط اللي حصل انه مش بيخترق موقعك ولا بيعملك اي مشكلة فيه خالص موقعك شغال ما فيش فيه مشكلة بس بيستغل الموارد اللي موجوده علي المستخدم بتاع حضرتك فى انه يحاول يعمل هجوم باسم Brute Force Attack.

 

بيدي اليوزر بتاعك ملف فيه كمية مواقع كبيرة جداً ممكن توصل لأكثر من مليون موقع ويديله ملف فيه اسماء الادمن والباسوردات المُمكنه ويبدأ يشغل الموارد بتاعتك في العمليه دي طبعاً ما فيش اي Linux Antivirus Scanner  قدر يعرف ان في مشكلة او في فايروس او في ملف في حاجه زي دي لأنها حاجه عادية جداً وطبيعيه.

 

الموضوع طويل شوية ويطول شرحه وانا حبيت أنوه علي الناس.

حاول تراقب استهلاك موقعك وتحدد الاستهلاك منين.

ولو لقيت اي حاجه مش طبيعيه نصيحة استشير حد يكون خبير في تأمين الأنظمه لأن الخبير ده هياخد من يوم ل 3 ايام عشان يحللك المشكلة.

اظهر المزيد

مقالات ذات صلة

زر الذهاب إلى الأعلى
error: النصوص محمية